सिन्धुलीगढी घुमेर हेर्दा नयाँ स्वरमा फेरि बजारमा आयो

पुरानो लोकभाका सिन्धुलीगढी घुमेर हेर्दा स्वर्गीय कृष्णबिक्रम थापाको स्वरमा २०३६ सालमा रेडियो नेपालमा रेकर्ड गरिएको चर्चित गीत उनको छोरा राजु थापाको परिमार्जित स्वर फेरि बजारमा आएको छ  ।  त्यो बेलाको सबैभन्दा चर्चित उक्त  गीतले राष्ट्रिय पुरस्कार समेत जित्न सफल भएको थियो ।

शब्द संगीत तथा स्वर स्वर्गीय कृष्णविक्रम थापाले दिएका थिए । हरेक नेपालीको ओठमा गुन्जने उक्त गीत ४६ वर्षपछि पुनः सोही गीत नयाँ स्वरमा तयार भएर आएको छ । अहिले भने उनकै छोरा राजु थापाले स्वर दिएर नयाँ स्वरको गित बजारमा आएको हो ।

सिन्धुलीको ऐतिहासिकता बोकेको गीतको छायांकन सिन्धुली जिल्लाकै सेरोफेरोमा भएको छ । जस्मा रमेश विश्वकर्मा र दीप्सा कार्की मुख्य भूमिकामा देखिएका छन् भने पवन केसी, सत्यदेबी पबित्रा रम्तेल तथा काजी थापाले सहायक भूमिका निर्बाह गरेका छन ।

गितको दृश्य कैद बासु बराल ले गरेका छन भने भिडियो निर्देशन क्रान्ति केसीले गरेका छन । नयाँ स्वरमा आएको गीतले फेरि सम्पुर्ण दर्शकको मन जित्ने गीत निर्माण पक्षले बताएको छ ।