काठमाडौँ । पोकली झरना सेवा समाजका संस्थापक गुरु केदार बराल ओखलढुंगा विपद् व्यवस्थापन समाजको अध्यक्ष पदमा निर्विरोध निर्वाचित भएका छन । आज बसेको साधारण सभाबाट उनी अध्यक्षमा निर्वाचित भएका हुन ।
निर्वाचित पदाधिकारीहरुमा उपाध्यक्ष बाबुराम श्रेष्ठ, महासचिव सम्झना प्रेमी, सचिव इन्धिरा निरौला, कोषाध्यक्ष सङ्गीता तामाङ सदस्यहरुमा सुरेन्द्र बोगटी, कुमार लुईटेल, बाबुराम गौतम, सिताराम बानिया, कृष्ण थापा र किशोरी कार्की छन ।
आजको साधारण सभा लोककृष्ण भट्टराईको अध्यक्षतामा सम्पन्न भएको थियो । कार्यक्रममा पूर्वमन्त्री राम कार्की, समाजसेवी विष्णु ढूगेल, कुलबहादुर कार्की, दीपक कटुवाल लगायतको उपस्थिती रहेको थियो ।
सभामा अध्यक्ष बरालले आफ्नो एक वर्षे कार्यकालमा पारदर्शी र जनमुखी पद्धतिहरू र आगामी दिनमा समाजको गतिविधिलाई अझ प्रभावकारी बनाउने योजना प्रस्तुत गरेका थिए । उनले समाजले विगतमा गरेका योगदान, वर्तमान कार्य र भविष्यका योजनाबारे विस्तृत रूपमा प्रकाश पारे ।
कार्यक्रममा निबर्तमान अध्यक्ष पेसल कुमार खतिवडाले संस्थाको परिचय तथा गतिविधिहरूको बारेमा जानकारी दिएका थिए भने माननीय बाबुराम गौतमले स्वागत मन्तव्य व्यक्त गरेका थिए ।
सभाले जिल्लामा विपद् जोखिम न्यूनीकरण, उद्धार, राहत तथा पुनःस्थापनाका कार्यक्रमलाई अझ प्रभावकारी, पारदर्शी र जनमुखी बनाउने निर्णय गरेको छ ।
⸻
- आगलागी पीडितलाई खतिवडाद्वारा सहयोग प्रदान
- काङ्ग्रेसको शक्तिसंघर्ष झनझन बढ्यो, निर्वाचनको नतिजापछि केन्द्र देखि वडासम्म हिलो छ्यापाछ्याप
- गगन थापाले राजीनामा गर्नैपर्ने कार्यकर्ताको बटमलाईन
- नैतिक प्रश्नको घेराबन्दीमा गगन थापा, आफू पन्छिन दाउ हेर्दै
- नेताहुदा गगन नैतिकवान सभापति हुदाका गगन अनैतिक
ताजा अपडेट
