एमाले ओखलढुंगामा केपी र इश्वर समुह आमनेसामने, जिल्ला कमिटीको मनोमानी विरुद्ध एकजुट

युबराज पहाडी

काठमाडौ । नेकपा एमालेको महाधिवेशन प्रतिनिधि छनोटको बिषयले ओखलढुंगामा विवाद बढाएको छ । पार्टी अध्यक्षमा प्रतिस्पर्धा गर्ने केपी ओली र इश्वर पोखरेल समुह बिच प्रतिनिधि छनोट गर्ने बिधि, प्रक्रिया तथा  केन्द्र र प्रदेशको परिपत्रलाई जिल्लाले बेवास्ता गरेपछि द्वन्द बढेको हो ।

महाधिवेशन प्रतिनिधिको लागि उम्मेदवारी दिएका मध्ये करिब २२ जनाले आज पत्रकार सम्मेलनको आयोजना गरि केन्द्र र प्रदेशको परिपत्र विरुद्ध मतदान केन्द्र तोकिएको भन्दै जिल्लाको पार्टी नेतृत्व प्रती कठोर कदम चाल्ने चेतावनी दिएका छन ।

पत्रकार सम्मेलनमा असन्तुष्टी समुहले जिल्लाको नेतृत्वले प्रतिनिधि छनोट गर्न सात दिन अगाडी देेेखि प्रक्रिया थालनी नगरेको, गाउँपालिकाको केन्द्रमा मतदान केन्द्र कायम नगरी जिल्लामा एउटा मात्र केन्द्र राखेको रिपोर्टिङ केन्द्रिय निर्वाचन समितिलाई पठाएका छन ।

महाधिवेशन प्रतिनिधि छान्ने बिसयमा ओली पक्षका यज्ञराज सुनुवार समुह र पोखरेल पक्षका अमीर गुरुङ – जिबी खड्का समुह आमनेसामने भएका हुन । ओली पक्षको यज्ञराज समुहका मोहन श्रेष्ठ, अस्मिता थापा, हर्कबोल राई, राजन खत्री, दिपक फुयाल  लगायत २२ उम्मेदवारले जिल्ला पार्टी नेतृत्व आफ्नो मनोमानी हिसाबले चलेको भन्दै कठोर कदम चाल्ने चेतावनी दिएका हुन ।

करिब ७२ सय प्रतिनिधिले भोट हालेर १२ जना महाधिवेशन प्रतिनिधि छान्न एउटा केन्द्रले नसक्ने भन्दै केही दिन देेेखि बिरोध भईरहेको छ । महाधिवेशन प्रतिनिधिको लागि ४१ जनाले मनोनयन दर्ता गरेका छन । ओखलढुंगामा जन्मिएका इश्वर पोखरेल र केपी ओली पार्टीको आगामी महाधिवेशनमा अध्यक्षका उम्मेदवार पक्का भएपछि ओखलढुंगामा एमाले भित्रको द्वन्द उत्कर्षमा पुगेको छ ।

इश्वरको पक्षमा अमीर गुरुङ, जिबी खड्का लगायत केही पदाधिकारी  खुलेर लागेका छन भने ओलीको पक्षमा यज्ञराज सुनुवार, मोहन श्रेष्ठ, अस्मिता थापा लगायत ठुलो समुह लागेको कारण प्रतिनिधि छनोटमा थप रस्साकस्सी हुने स्रोतले बताएको छ । भोलि बिहानबाट मतदान हुने कार्यतालिका रहेको बताईएको छ ।