एमाले ओखलढुंगाको सम्पुर्ण प्रतिनिधि इश्वर पक्षका बिजय, ओली समुहको न्यून मत

काठमाडौ । अन्तर बिरोधका बाबजुद नेकपा एमाले ओखलढुंगाबाट महाधिवेशन प्रतिनीधिमा इश्वर पोखरेल पक्षका मात्र विजयी भएका छन । १२ जना प्रतिनिधि छानिदा एक जनापनी ओली पक्षका निर्वाचित हुन सकेनन ।  एमाले ओखलढुंगाबाट महाधिवेशन प्रतिनीधि छनोटका लागि हिजो भएको मतदानबाट  पोखरेल पक्षका विजयी भएका हुन ।

बिजय हुनेमा खुलातर्फ अम्बिरबाबु गुरुङ, ज्ञान बहादुर खड्का, कमल प्रसाद न्यौपाने, राजीव कटुवाल, अशोक थापा र केदारबाबु बस्नेत विजयी भएका छन ।  महिलातर्फ इच्छाकुमारी गुरुङ, जुना विक, पशुपति गुरुङ र रमिला मगर श्रेष्ठ, युवातर्फ टिकाराम धमला र दलिततर्फ ज्यानु कालिकोटे निर्बाचित भएका छन ।

करिब ७२ सय मतदान रहेको ओखलढुंगामा १५ सयले मात्र मतदानमा भाग लिएका थिए । ओली पक्षका नेताहरुले मनोमानी तरिकाले गरिएको मतदान र मत परिणाम अस्यीकार गरेका छन ।