एमाले ओखलढुंगामा तिब्र मतभेद, तीन युबा नेताद्वारा मनोनयन फिर्ता

जालान्धर (कुमार) कार्की विवाद मिलाउन ब्यस्त 

युबराज पहाडी

काठमाडौ । नेकपा एमालेको महाधिवेशन प्रतिनिधि छनोटको बिषयले ओखलढुंगामा विवाद बढाएको भन्दै तीन जना युबाले मनोनयन फिर्ता लिएका छन ।

पार्टीको ११ औं महाधिवेशनको अध्यक्षमा प्रतिस्पर्धा गर्ने केपी ओली र इश्वर पोखरेल समुह बिच ओखलढुंगामा तिब्र मतभेद जारी रहदा बिनोद खत्री, सुदर्शन कार्की र किरण श्रेष्ठले उम्मेदवारी फिर्ता लिएका हुन ।

महाधिवेशन प्रतिनिधिको लागि उम्मेदवारी दिएका ४१ मध्ये करिब २२ जनाले आज पत्रकार सम्मेलनको आयोजना गरि केन्द्र र प्रदेशको परिपत्र विरुद्ध मतदान केन्द्र तोकिएको भन्दै जिल्लाको पार्टी नेतृत्व प्रती कठोर कदम चाल्ने चेतावनी दिएका छन ।

ओली पक्षका यज्ञराज सुनुवार समुह र पोखरेल पक्षका अमीर गुरुङ –  जिबी खड्का समुह आमनेसामने भएका हुन । यद्यपि जालान्धर (कुमार) कार्कीको नेतृत्वमा शक्तिशाली युबा नेता अहिले  विवाद मिलाउन लागिरहेको जिल्ला स्थित हाम्रा सहकर्मीले जनाएका छन ।

ओली पक्षको यज्ञराज समुहका मोहन श्रेष्ठ, अस्मिता थापा, हर्कबोल राई, राजन खत्री, दिपक फुयाल लगायत २२ उम्मेदवारले जिल्ला पार्टी नेतृत्व आफ्नो मनोमानी हिसाबले चलेको भन्दै कठोर कदम चाल्ने चेतावनी दिएका हुन ।

भोलि बिहान देखि मतदानको समय तोकिएको छ । जम्मा ७२ सय भन्दा बढी प्रतिनिधिले भोट हाल्न पर्ने स्रोतले बताएको छ ।