बिभाजनको संघारमा पुग्यो काङ्ग्रेस, फुट्ने महाभारत रोक्न कोइराला एक्लै !

युबराज पहाडी

काठमाडौँ । कांग्रेसले आगामी निर्वाचनमा सभापति शेरबहादुर देउवाले नै टिकट वितरण गर्ने गरी निर्वाचन आयोगमा दल दर्ता गरेपछि महाधिवेशनको विवाद अब वारपारको विन्दुमा पुगेको छ । देउवाको हस्ताक्षर चल्ने गरि दल दर्तापछि नियमित अधिबेशनको निर्णय लिन बिहीबार केन्द्रीय कार्यसमितिको बैठक बोलाइएको छ ।

कांग्रेसले आगामी ११ माघमा हुने राष्ट्रियसभा निर्वाचन, २१ फागुनमा हुने प्रतिनिधिसभा निर्वाचन अगाडि महाधिवेशन भएन भने यी दुवै निर्वाचनमा उम्मेदवारको टिकट वितरणमा देउवा नै हाबी हुनेछन ।

त्यसैले पनि महामन्त्रीद्वय गगन थापा र विश्वप्रकाश शर्मालाई निर्वाचन अघि नै महाधिवेशन गराउन हस्ताक्षर कर्ताको थप दबाब बढेको छ । त्यसैका लागि महाधिवेशन पक्षधर नेताहरूले भोली राजधानीमा विशेष भेला समेत आयोजना गर्दैछन ।

विशेष महाधिवेशनको निर्णय लिन पार्टीलाई दबाब दिने उद्देश्यले हस्ताक्षरकर्ता प्रतिनिधिहरू र जिल्ला सभापतिहरूको भेला बोलाइएको हो । यदि बिहिवार बस्ने बैठकबाट पौष मसान्तसम्म नियमित अधिबेशनको कार्यतालिका आउन सकेन भने विशेष अधिबेशन पक्षधर गगन- बिश्वले विशेष भेला बोलाउने सम्मको तयारी गरेका छन ।

जारी केन्द्रिय समितिको बैठकले विशेष महाधिवेशनको निर्णय कुनै हालतमा नहुने, नियमित अधिबेशनको कार्यतालिकामा गगन- बिश्वले बिश्वास नगर्ने संभावना रहेकाले उनीहरु विशेष महाधिवेशनको भेला मार्फत नेतृत्व परिवर्तन गर्ने अप्रिय निर्णयमा पुग्ने स्रोतहरुको दाबी छ ।

पार्टी भित्र पैदा भएको अबिस्वास र खिचातानीले पार्टी सग्लो रहने संभावना न्यून रहेको छ । शेखर कोइराला समुहले पुर्ण साथ नदिदासम्म गगन- बिश्व समुह कमजोर हुने हुदा विशेष अधिबेशनको भेलाबाट सभापति चुनिए काङ्ग्रेस दुई टुक्रा हुने निश्चित छ स्रोतले भन्यो ।

विशेष महाधिवेशन माग गर्ने हस्ताक्षर र निर्वाचनमा टिकट बाड्न पाउने हस्ताक्षर दुबैले पार्टी एक बनाउने बाटो तय गर्छन वा बिभाजन त्यो भने हेर्न बाकी छ ।  आगामी १५ औं महाधिवेशन भन्दा अगाडी पार्टी बिभाजन रोक्ने शक्ति शेेेखर कोइरालाको काधमा पुगेको काङ्ग्रेस बृत्तमा हर्ला छ ।